ವಿಷಯಕ್ಕೆ ಹೋಗಿ

ಅಲ್ಲಿ ನಿಂತು ನೋಡಿದಾಗ - ತೃತೀಯ ಲಿಂಗಿಗಳನ್ನು ಕುರಿತ ಕವಿತೆ - ಅನಂತ ಕುಣಿಗಲ್


ಅಲ್ಲಿ ನಿಂತು ನೋಡಿದಾಗ


ಅಲ್ಲಿ ನಿಂತು ನೋಡಿದಾಗ
ಏನು ಕಾಂಬುದೋ?
ನುಣ್ಣಗೆ ದೂರದೆಲ್ಲ ಸಂಗತಿ
ಹಾಳಾದ ಈ ಬೋಳು ಕಣ್ಣಿಗೆ

ಸರಿದು ನೋಡು
ತೆರೆದು ನೋಡು
ಕಾಂಬುದೆಲ್ಲ ಮುಳ್ಳು
ಒಳಗೆಲ್ಲಾ ಟೊಳ್ಳು
ಮೂಟೆ ಮೂಟೆ ಸುಳ್ಳು

ಅವರ ಕಷ್ಟ
ನಿನಗೇನು ನಷ್ಟ
ನೋಡಿ ಸರಿದು ಬಿಡು
ಮಾತು ಬೇಡ ಸುಮ್ಮನಿರು
ಮೌನವಹಿಸಿ ಬಂದುಬಿಡು

ಹತ್ತಿರಕ್ಕೆ ಸುಳಿಯಲು ಗಡಗಡ
ಬೋಳಿಸಿದ ಮೀಸೆ, ಮಾರುದ್ದ ಜಡೆ
ಅತಿಯಾದ ಉಬ್ಬು ಎದೆಗಳಲ್ಲಿ
ಒರಟು ಸೊಂಟು, ಮಾತಿನಲ್ಲಿ ನವ್ಯತೆ
ಚಪ್ಪಾಳೆಯ ಗಡುಸುತನ
ಎಲ್ಲರಲ್ಲೂ ಭಯ ಹುಟ್ಟಿಸುತ್ತಿತ್ತು
ಒಮ್ಮೆ ಕಣ್ಣು ಹೊಡೆದು
ತುಟಿಯಗಲಿಸಿ ಸೆರಗು ಜಾರಿಸಿದರೆ
ಪ್ರಾಣವೇ ಹೋಗುತ್ತಿತ್ತು ಎದುರಿದ್ದವರಿಗೆ

ಭಂಡರೋ, ಬಡಾಯಿಗಳೋ
ಬಾಯಿಬಡುಕರೋ ಎನಿಸುವುದು
ದೂರದಲ್ಲಿ ನಿಂತು ನೋಡಿದಾಗ
ಮೃದು ಮನಸ್ಸಿನವರು
ಮನುಷ್ಯತ್ವ ಮೆರೆದರು ಎಂದರಿವಾಗುವುದು
ಹತ್ತಿರದಿಂದ ನೋಡಲು ಬಯಸಿದಾಗ

ಚಿಲ್ಲರೆ ಕಾಸಿಗಾಗಿ
ಅಲೆಯುವರು ದಿನವಿಡೀ
ಪದೇ ಪದೇ ಜಾರುವ ಸೆರಗಿನಡಿ
ಕಳೆವರು ರಾತ್ರಿಯ ಅಂಗೈಯಗಲ ಸೂರಿನಡಿ
ವಂಚಿತರು,
ದೂರ ಸರಿದವರು, ನಮ್ಮವರು
ನಮ್ಮಂತೆಯೇ ಅವರೂ ಕೂಡ ಮನುಷ್ಯರು

ಕೈಲಾದ್ದು ಕೊಡು
ಇಲ್ಲವೇ ಹೊರಟುಬಿಡು
ಹೊರಡುವ ಮೊದಲು
ಸಣ್ಣ ಮಂದಹಾಸ ಬೀರಿಬಿಡು
ಅಯ್ಯೋ.. ಎಂದು ಮರುಕಪಡು
ಅಲ್ಲಿ ನಿಂತು ನೋಡಿದ ತಪ್ಪಿಗೆ
ಹತ್ತಿರದಿಂದೊಮ್ಮೆ ಕ್ಷಮೆಯಾಚಿಸಿಬಿಡು

- ಅನಂತ ಕುಣಿಗಲ್
ಲೇಬಲ್‌ಗಳು:

ಕಾಮೆಂಟ್‌ಗಳು

  1. mrinaliniಜೂನ್ 14, 2021 ರಂದು 06:15 PM ಸಮಯಕ್ಕೆ

    Tumba sogasagide

    ಪ್ರತ್ಯುತ್ತರಅಳಿಸಿ
  2. Naniಜೂನ್ 14, 2021 ರಂದು 07:43 PM ಸಮಯಕ್ಕೆ

    spr

    ಪ್ರತ್ಯುತ್ತರಅಳಿಸಿ
  3. Unknownಜೂನ್ 14, 2021 ರಂದು 08:07 PM ಸಮಯಕ್ಕೆ

    ಸೊಗಸಾದ ಸಾಲುಗಳು

    ಪ್ರತ್ಯುತ್ತರಅಳಿಸಿ
  4. ಅಸ್ತಿತ್ವಜೂನ್ 15, 2021 ರಂದು 12:27 AM ಸಮಯಕ್ಕೆ

    ಅವರಲ್ಲ ನಾವು..
    ಅವರಲ್ಲ ನಾವು..
    ಸುಟ್ಟಿಹುದು ಬಿಸಿಯಾದ ಸಮಾಜದ ಕಾವು..
    ಬೇಡುತ್ತಾ ನಿಂತಿಹೆವು ಕಾಡುವ ಮನಸಿಲ್ಲದೆ
    ನೀಡಬಲ್ಲಿರಾ ಭಿಕ್ಷೆ,
    ಎಲ್ಲರೊಂದಿಗೆ ಸಹಬಾಳ್ವೆಯಾ ಶ್ರೀರಕ್ಷೆ.

    ಯಾರಿಗೆ ಬೇಕಿದೆ ಈ ನಿಮ್ಮ ಮರುಕ?
    ಮಾಡಬೇಡಿರಿ ನಮ್ಮ ಜೀವನವ ಭೋಗದಾ ಸರಕಾ.
    ನಾವುಗಳು ನೀವೇ, ನೀವುಗಳು ನಾವೇ
    ಮರೆಯಬಾರದು ಮಾನವತೆಯ ತತ್ವ

    ಪ್ರತ್ಯುತ್ತರಅಳಿಸಿ

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಓದಬೇಕಾದ ಕನ್ನಡದ ಮಹತ್ತರ ಪುಸ್ತಕಗಳು - ಅವ್ವ ಪುಸ್ತಕಾಲಯ

" ಓದಬೇಕಾದ ಕೆಲವು ಕನ್ನಡ ಸಾಹಿತ್ಯ ಪುಸ್ತಕಗಳು " (ಇದು ನನ್ನ ಸುತ್ತಲಿನವರ ಅಭಿಪ್ರಾಯದ ಮೇರೆಗೆ ಓದುಗರಲ್ಲಿ ಅಭಿರುಚಿ ಹೆಚ್ಚಿಸಲು ಕಟ್ಟಿರುವ ಪಟ್ಟಿ. ನೀವು ಓದಿರುವ ಬೆಸ್ಟ್ ಪುಸ್ತಕಗಳು ಬಿಟ್ಟುಹೋಗಿದ್ದರೆ ದಯವಿಟ್ಟು ಸೇರಿಸಿ) ತೇಜಸ್ವಿ : ಮಹಾಪಲಾಯನ ಕರ್ವಾಲೋ ಪ್ಯಾಪಿಲಾನ್ ಚಿದಂಬರ ರಹಸ್ಯ ಜುಗಾರಿಕ್ರಾಸ್ ಭಯಾನಕ ನರಭಕ್ಷಕ ಕಿರಗೂರಿನ ಗಯ್ಯಾಳಿಗಳು ಅಬಚೂರಿನ ಫೋಸ್ಟಾಫೀಸು ಕೃಷ್ಣೇಗೌಡನ ಆನೆ ಅಣ್ಣನ ನೆನಪು ಹೊಸ ವಿಚಾರಗಳು  ಕೆ ಎನ್ ಗಣೇಶಯ್ಯ : ಶಾಲಭಂಜಿಕೆ ಆರ್ಯವೀರ್ಯ ಗುಡಿಮಲ್ಲಮ್ ಚಿತಾದಂತ ಬೆಳ್ಳಿಕಾಳಬಳ್ಳಿ ಶಿಲಾಕುಲವಲಸೆ ಕನಕಮುಸುಕು  ಕರಿಸಿರಿಯಾನ ಕಪಿಲಿಪಿಸಾರ ಎಸ್ ಎಲ್ ಬಿ : ಭಿತ್ತಿ ವಂಶವೃಕ್ಷ ಗೃಹಭಂಗ ನಾಯಿ ನೆರಳು ಕವಲು ಯಾನ ಸಾರ್ಥ ಪರ್ವ ದಾಟು ಮಂದ್ರ ಆವರಣ  ಅನ್ವೇಷಣ ತ.ರಾ.ಸು : ನಾಗರಹಾವು ಮಸಣದ ಹೂ ಹಂಸಗೀತೆ ಶಿಲ್ಪಶ್ರೀ ರಕ್ತರಾತ್ರಿ ತಿರುಗುಬಾಣ ದುರ್ಗಾಸ್ತಮಾನ  ಗಿರೀಶ್ ಖಾರ್ನಾಡ್ : ಆಡಾಡತ ಆಯುಷ್ಯ ತುಘಲಕ್ ತಲೆದಂಡ ಹಯವದನ ನಾಗಮಂಡಲ ಯಯಾತಿ  ವಸುದೇಂಧ್ರ : ಮೋಹನಸ್ವಾಮಿ ಹಂಪಿ ಎಕ್ಸ್ ಪ್ರೆಸ್ ತೇಜೋ ತುಂಗಭದ್ರ ನಮ್ಮಮ್ಮ ಅಂದ್ರೆ ನಂಗಿಷ್ಟ ಐದು ಪೈಸೆ ವರದಕ್ಷಿಣೆ  ಜೋಗಿ : L ಅಶ್ವತ್ಥಾಮನ್ ಬೆಂಗಳೂರು ಸೀರೀಸ್  ಹಲಗೆ ಬಳಪ ಜಾನಕಿ ಕಾಲಂ ಚಂ. ಶೇ. ಕಂ : ಜೋಕುಮಾರಸ್ವಾಮಿ ಸಂಗ್ಯಾಬಾಳ್ಯ ಸಾಂಬಶಿವ ಪ್ರಹಸನ ಸಿರಿಸಂಪಿಗೆ ಮಹಾಮಾಯಿ ಸಿಂಗಾರೆವ್ವ & ಅರಮನೆ...
3 ಕಾಮೆಂಟ್‌ಗಳು
ಇನ್ನಷ್ಟು ಓದಿ

ಸಾಹಿತ್ಯ ಸ್ಪರ್ಧೆಗಳು 2023

ವಾರ್ಷಿಕೋತ್ಸವ ಸ್ಪರ್ಧೆಗಳು 2023 ಅವ್ವ ಪುಸ್ತಕಾಲಯ ಸಾಹಿತ್ಯ ಬಳಗದ ವತಿಯಿಂದ ವಾರ್ಷಿಕೋತ್ಸವದ ಪ್ರಯುಕ್ತ ಸಾಹಿತ್ಯ ಸ್ಪರ್ಧೆಗಳನ್ನು ಹಮ್ಮಿಕೊಳ್ಳಲಾಗಿದೆ. ಆಸಕ್ತರೆಲ್ಲರೂ ಭಾಗವಹಿಸಬಹುದು. ಯಾವುದೇ ವಯಸ್ಸಿನ ಮಿತಿ ಇಲ್ಲ. ಯಾವುದೇ ನೊಂದಣಿ ಇರುವುದಿಲ್ಲ. ಸ್ಪರ್ಧೆ 01 - ಪದಬಂದ ರಚನೆ * 4×4 ಮನೆಯ ಪದಬಂಧ ರಚಿಸಬೇಕು. * ಹಾಳೆ ಮೇಲೆ ಬರೆದು ಫೋಟೋ ಕಳಿಸಬಹುದು. * ಕನ್ನಡ ಸಾಹಿತ್ಯ ಪುಸ್ತಕಗಳ ಹೆಸರು, ಲೇಖಕರು, ಪ್ರಶಸ್ತಿಗಳು, ಕೃತಿಯಲ್ಲಿ ಬರುವ ಊರು, ಪಾತ್ರ ಇವುಗಳನ್ನು ಬಳಸಿಕೊಳ್ಳಬಹುದು. ಸ್ಪರ್ಧೆ 02 - ಸ್ವರಚಿತ ಕವನ ಸ್ಪರ್ಧೆ * ಗರಿಷ್ಟ 20 ಸಾಲುಗಳ ಕವನ ರಚಿಸಬೇಕು. * ಯಾವುದೇ ವಿಷಯದ ಮೇಲೆ ಕವಿತೆ ರಚಿಸಬಹುದು. ಸ್ವರಚಿತವಾಗಿರಬೇಕು. ಈ ಹಿಂದೆ ಎಲ್ಲೂ ಪ್ರಕಟವಾಗಿರಬಾರದು. * ಆಯ್ಕೆಯಾದರೆ 2024ರ ಜನೆವರಿಯಲ್ಲಿ ನಡೆಯುವ ಅವ್ವ ಪುಸ್ತಕಾಲಯ ವಾರ್ಷಿಕೋತ್ಸವದ ಕವಿಗೋಷ್ಠಿಯಲ್ಲಿ ಪಾಲ್ಗೊಳ್ಳಬೇಕಾಗುತ್ತದೆ. ಪದಬಂಧ ಹಾಗೂ ಸ್ವರಚಿತ ಕವಿತೆಯನ್ನು ಮೇಲ್ ಮಾಡಲು ಡಿಸೆಂಬರ್ - 31- 2023 ಕೊನೆಯ ದಿನ. ತೀರ್ಪುಗಾರರ ತೀರ್ಮಾನವೇ ಅಂತಿಮ. ಮೇಲ್ : avvapustakaalaya@gmail.com ಪದಬಂಧ ಸ್ಪರ್ಧೆಯಲ್ಲಿ ಅತ್ಯುತ್ತಮವೆನಿಸಿದ ಐವರಿಗೆ & ಸ್ವರಚಿತ ಕವನ ಸ್ಪರ್ಧೆಯಲ್ಲಿ ಆಯ್ಕೆಯಾಗುವ ಹತ್ತು ಜನರಿಗೆ ಪ್ರಶಸ್ತಿಪತ್ರ, ಪುಸ್ತಕ ಬಹುಮಾನ ಹಾಗೂ ನಗದು ಬಹುಮಾನವಿರುತ್ತದೆ.
2 ಕಾಮೆಂಟ್‌ಗಳು
ಇನ್ನಷ್ಟು ಓದಿ

Avva Pustakalaya

ಅವ್ವ ಪುಸ್ತಕಾಲಯ ಸಾಹಿತ್ಯ ಬಳಗವು 2020 ರ ಏಪ್ರಿಲ್ 04 ರಂದು ಶ್ರೀಮಾನ್ ಲೇಟ್ ನಾರಸಯ್ಯ ಅವರ ಸ್ಮರಣಾರ್ಥವಾಗಿ ರೂಪುಗೊಂಡಿದ್ದು ಸಾಮಾಜಿಕ ಜಾಲತಾಣದಲ್ಲಿ ತನ್ನದೇ ಆದ ಓದುಗರ ಬಳಗವನ್ನು ಹೊಂದಿದೆ. ಇದು ಡಿಜಿಠಲ್ ಗ್ರಂಥಾಲಯವಾಗಿದ್ದು, ಓದಿನ ಅಭಿರುಚಿ ಹಬ್ಬಿಸಲು ಬಹಳಷ್ಟು ಸಾಹಿತ್ಯ ಚಟುವಟಿಕೆಗಳು ಮತ್ತು ಸ್ಪರ್ಧೆಯನ್ನು ಹಮ್ಮಿಕೊಳ್ಳಲಾಗುತ್ತದೆ. ಪ್ರತೀ ವರ್ಷ ಜುಲೈ ತಿಂಗಳಲ್ಲಿ ಪ್ರಕಟಿತ ಕೃತಿಗಳನ್ನು ಅವ್ವ ಸೃಜನಶೀಲ ಸಾಹಿತ್ಯ ಪ್ರಶಸ್ತಿಗೆ ಆಹ್ವಾನಿಸಲಾಗುವುದು. ಆಯ್ಕೆಯಾದ ಕೃತಿಗಳಿಗೆ ಪ್ರಶಸ್ತಿಯ ಜೊತೆಗೆ ಐದು ಸಾವಿರ ರೂಪಾಯಿ ಮೌಲ್ಯದ ಪುಸ್ತಕಗಳನ್ನು ಹಂಚಿ, ಅವರ ಪುಸ್ತಕಗಳನ್ನು ಅವ್ವ ಪುಸ್ತಕಾಲಯ ವೇದಿಕೆಯ ಮುಖೇನ ಓದುಗರಿಗೆ ಮುಟ್ಟಿಸಲಾಗುವುದು . ಈಗಾಗಲೇ ಅವ್ವ ಪುಸ್ತಕಾಲಯದಿಂದ ಪ್ರಧಾನ ಕಾರ್ಯದರ್ಶಿಗಳಾದ  ಯುವಲೇಖಕ ಅನಂತ ಅವರ ಮೂರು ಕೃತಿಗಳು ಪ್ರಕಟವಾಗಿದ್ದು ಅವುಗಳು ಓದುಗರಿಗೆ ರಿಯಾಯಿತಿ ದರದಲ್ಲಿ ಸಿಗುತ್ತಿವೆ. ಓದುಗರು ನಮ್ಮನ್ನು ಸಂಪರ್ಕಿಸುವ ಮೂಲಕ ಪುಸ್ತಕಗಳನ್ನು ಕೊಂಡು ಓದಬಹುದು. ಮತ್ತು ನಮ್ಮ ಸಾಹಿತ್ಯ ಚಟುವಟಿಕೆಗಳು ಮತ್ತು ಸ್ಪರ್ಧೆಗಳಲ್ಲಿ ಭಾಗವಹಿಸಬಹುದು. 1). ಅವ್ವ ಪುಸ್ತಕಾಲಯ #189, ಕೆಂಚನಹಳ್ಳಿ ಅಂಚೆ ಹುಲಿಯೂರುದುರ್ಗ ಹೋಬಳಿ ಕುಣಿಗಲ್ ತಾಲ್ಲೂಕು ತುಮಕೂರು - 572123 ಮೊ : 8548948660 Mail :  avvapustakaalaya@gmail.com 2).  Facebook....
ಕಾಮೆಂಟ್‌‌ ಪೋಸ್ಟ್‌ ಮಾಡಿ
ಇನ್ನಷ್ಟು ಓದಿ