ಅಪ್ಪು.. ಇನ್ನು ಬರೀ ನೆನಪು! - ಅನಂತ ಕುಣಿಗಲ್

01.
ಅಂಗಳದಾಗ ಆಟ ಕಲಿತು
ಆಡುತ್ತಿದ್ದ ಬಯಲಿನಾಗ
ಬೇಸರ ತರಿಸಿ, ಆಟವ ನಿಲ್ಲಿಸಿ
ಉಳಿದ ಎಲ್ಲರ ಮನದಾಗ

02.
ಅಪ್ಪನ ಹಾಗೆ
ಹಾಡು, ಕುಣಿತ, ನಗೆಯ ಪಾಠ
ಒಪ್ಪಿಗೆ ಇಲ್ಲದೆ
ಅಪ್ಪುವ ಅವಕಾಶ ತಪ್ಪಿಹೋಯಿತಾ..

03.
ಅಂಬರದಾಗ ಮನೆಯ ಹುಡುಕಿ
ಕೈಲಾಸ ಸೇರಿದನು
ಭುವಿಯೊಳು ನೆನಪಿನ ಬುಗ್ಗೆ ಎಬ್ಬಿಸಿ
ಮಾಯವಾದನು

04.
ಲೋಹಿತನೆಂಬ ಅಶ್ವ
ಓಡಿ ಓಡಿಯೂ ಪುನೀತನಾಗದೆ
ಲೋಹಿತಾಶ್ವನೇ ಆದ
ಕೊನೆಯ ಚರಣವ ಹಾಡಿ ಮುಗಿಸದೆ
ಉಸಿರು ನಿಲ್ಲಿಸಿದ

05.
ಪ್ರಾರ್ಥನೆಗೂ ಕರುಣೆ ಇಲ್ಲ
ಪಾಪಿಗಳ ಲೋಕದಲ್ಲಿ ಪಾಪದವರಿಗಿಲ್ಲ ಜಾಗ
ನಲವತ್ತಾರಕ್ಕೆ ತೆರೆಯ ಎಳೆದು
ಮೃದು ಹೃದಯಗಳೊಳು ಲೀನವಾದ

06.
ಪವರ್ ಪಟ್ಟಕ್ಕೆ
ಸ್ಪೋಟಕ ಆಘಾತ
ರಾಜನ ಮನೆಗೆ
ನೋವಿನ ಸಂತಾಪ

07.
ಇನ್ನೆಲ್ಲಿಯ ಭರವಸೆ
ಕನಸುಗಳು ಚೂರಾಗಿ
ಮನಗಳು ರೆಕ್ಕೆಯ ಮುದುಡಿವೆ
ಬರೆಯಲು ಸಾವಿರ ಇದ್ದರೂ..
ಇಂಕು ಮಂಕಾಗಿ
ಬರೆಯುವುದನ್ನೇ ಮರೆತಿದೆ!

#ಅನಂತ ಕುಣಿಗಲ್